Amosando publicacións coa etiqueta LINGUA. Amosar todas as publicacións
Amosando publicacións coa etiqueta LINGUA. Amosar todas as publicacións
sábado, 18 de novembro de 2017
Revista escolar 2016-17
No último número da revista escolar do noso instituto, correspondente ao curso 2016-17, podedes atopar todas as actividades do Equipo de Dinamización da Lingua Galega.
luns, 5 de xuño de 2017
martes, 4 de abril de 2017
xoves, 2 de marzo de 2017
Gañadoras Concurso Cartas de Amor
Estas foron as autoras gañadoras do concurso de cartas de amor 2017. Proximamente publicaremos as cartas neste blog para que todos vós as poidades ler.
domingo, 5 de febreiro de 2017
Alumnas de 2º ESO recomendan a lectura de...
TRISTES ARMAS
UNHA ESTRELA NO VENTO
DRAGAL I: A HERDANZA DO DRAGÓN
luns, 16 de xaneiro de 2017
mércores, 26 de outubro de 2016
martes, 28 de xuño de 2016
venres, 17 de xuño de 2016
Homenaxe a Manuel María
O alumnado de 1º, 2º e 3º ESO homenaxeou a Manuel María a través da realización de comentarios, reinterpretacións e creacións artísticas inspiradas nos seus poemas. Con todos eles realizouse unha exposición de máis de 20 paneis que actualmente é visitable no edificio principal do instituto. O Equipo de Dinamización da Lingua Galega tamén elaborou un libro de máis de 150 páxinas que recolle todas as achegas do alumnado e que podedes consultar na biblioteca
A continuación tedes unha mostra dos debuxos inspirados en diversos poemas do poeta a quen se lle dedican as Letras Galegas neste ano.
sábado, 28 de maio de 2016
mércores, 25 de maio de 2016
sábado, 21 de maio de 2016
Exposición co gallo do Centenario das Irmandades da Fala
Co gallo do centenario das Irmandades da Fala, fundadas o 18 de maio de 1916, o Equipo de Dinamización da Lingua Galega elaborou unha pequena exposicións sobre a orixe, ideario e principais protagonistas desta institución, cuxo traballo resulta indispensable na galeguización plena da sociedade de principios do s.XX. Asemade, a súa reunión en Lugo en 1918 marca o fito fundacional do nacionalismo galego.
Os paneis poden visitarse no segundo andar do edificio principal do instituto até final de curso. Aquí tedes algúns deles...
venres, 22 de abril de 2016
Asistencia ao teatro: Pelos na lingua
O luns 18 de abril, o alumnado de 2º, 3º e 4º da ESO do noso centro asistíu á representación teatral da obra Pelos na Lingua no teatro Colón de A Coruña.
A obra, representada pola compañía Talía Teatro, é un divertido espectáculo-collage que fala en clave positiva da situación crítica que está vivir a lingua galega.
Pelos na lingua
vai destinado a todo o mundo, independentemente da
súa posición respecto á lingua: aos galego falantes, aos que non o son,
aos que queren selo pero non se atreven, aos que si queren selo e
tomaron esa determinación, aos que non o falan porque non o saben falar
ben, aos que lles dá igual que se fale ou non, aos que pensan que o
galego debería ser a lingua universal, aos que pensan que debería ser o
inglés a lingua universal, aos que cren que a maioría dos galegos falan
castelán, aos que cren que a maioría dos galegos falan galego, a
políticos, a mestres, a alumnos, a actores, a actrices, a carpinteiros, a
carpinteiras, a todos e a todas. Ao mundo enteiro, independentemente da
súa lingua. Unha comedia, que dalgún xeito, podería considerarse a
segunda parte de Bicos con lingua. Pero non se trata dunha segunda parte
como unha continuación da liña argumental, senón que se está a
traballar o mesmo tema coa mesma estrutura, aínda que desta vez tratando
de darlle un enfoque distinto.
Logo do teatro, aproveitando o solleiro día, fomos comer ao mirador de San Pedro, onde poidemos gozar dunhas vistas espectaculares da cidade de A Coruña. Pola tarde fixemos unha pequena parada na Domus antes de emprendermos camiño de regreso a Ordes.
sábado, 9 de abril de 2016
Charla O galego é uma oportunidade
No marco da semana cultural que se celebrou no noso instituto, o venres 8 de abril, José Ramom Pichel e Valentim Fagim, autores do libro “O galego é uma oportunidade”, realizaron un relatorio moi interesante para o alumnado de 3º da ESO sobre o uso internacional do galego.
A charla estivo organizada polo Equipo de Dinamización da Lingua Galega en colaboración co departamento de galego, responsable da docencia da materia de portugués no bacharelato.
Os conferenciantes falaron da vantaxe que posuimos as galegas e galegos, aínda sen sermos totalmente conscientes, por sabermos dúas linguas de proxección muldial: o galego, coñecido internacionalmente como portugués, e o castelán, coñecido internacionalmente como español. Este tesouro permítenos comunicar con máis de 250 e 400 millóns de persoas respectivamente.
Desde esa premisa, salientaron o noso papel de ponte, ao ser Galiza o lugar onde o mundo lusófono e hispanófono se unen, onde naceu a lingua coñecida internacionalmente como portugués e onde, por causa da nosa emigración, existe unha profunda relación co mundo hispano-americano que se expressa em español.
Finalmente, trataron de facer reflexionar ao auditorio sobre o feito de que, nos próximos anos, por mor do carácter emerxente da economía brasileira, ser galeg@ e saber a nosa lingua, pode tornarse unha vantaxe competitiva e o noso territorio pode pasar a ser un lugar privilexiado do mundo.
José Ramón Pichel Campos é enxeñeiro informático. Creou, xestiona e desenvolve a plataforma de tradución automática de código aberto Opentrad
www.opentrad.com.
Realiza artigos sobre as relacións entre a sociedade e as tecnoloxías da información desde o ano 2000 para Bravu.net, Novas da Galiza e a revista
electrónica Omnibus, entre outras.
Valentim Fagim é licenciado en Filoloxía Galego-Portuguesa e
diplomado en Historia. En 1996 fundou a Libraría A Palavra Perduda en Santiago
de Compostela e traballou na distribución de libros en portugués. Na actualidade
é profesor de portugués na Escola de Idiomas de Santiago de Compostela. É membro desde 2008 da AGLP, Academia Galega da Língua Portuguesa. Entre
2009 e 2012 foi presidente da Associaçom Galega de Língua, AGAL. No seo da AGAL
ten sido responsábel creador e responsábel de varios proxectos e áreas de
traballo. 
Ten publicado columnas e artigos en diferentes medios e revistas.
Desde 2006 ten unha columna chamada Língua Nacional no periódico Novas da Galiza
e desde 2012 escribe para a versión dixital do Sermos Galiza. Ademais ten publicados tres libros, O Galego (im)possível
[2001], Do Ñ para o NH [2009] e O Galego é uma oportunidade/El gallego es una
oportunidad [2012], en coautoría con José Ramón Pichel. O libro desenvolve polo miúdo os temas que os autores formularon na charla e está a vosa disposición na Biblioteca do instituto.mércores, 30 de marzo de 2016
xoves, 24 de marzo de 2016
Proxección do documental Fíos Fóra
O pasado xoves 17 de marzo Adriana e Sabela, realizadoras do documental "Fíos Fóra, historias de obreiras, entre costuras e patróns" viñeron presentar a súa obra ao alumnado de 1º de bacharelato do noso centro.
Illa Bufarda foi a produtora creativa encargada de levar a cabo esta
longametraxe documental diversa en voces e protagonistas, onde
participaron extraballadoras do téxtil en Galicia, personaxes
vencellados ao sector empresarial e aos talleres e traballadoras do
téxtil en Marrocos, entre outras moitas. A realización deste traballo foi unha encarga da ONG AMARANTE Setem e a Campaña Roupa Limpa. Dende as conversas de moitas persoas protagonistas narra o que foi o sector do téxtil galego dende o seu nacemento ata a súa deslocalización e o impacto deste modelo industrial. O documental incide na idea de que as mulleres galegas que traballaron no sector téxtil dende os 60 foron a man de obra perfecta e cautiva para erguer unha industria xigante que agora se atopa deslocalizada, repetíndose a súa historia nos fíos doutros lugares, nos nós deste sistema capitalista.
Logo da proxección, Sabela e Adriana contaron ao alumnado asistente o proceso de realización do documental e os problemas con que se atoparon tanto para contar con testemuñas que falasen da súa experiencia no sector como na actual fase de proxección, xa que algúns concellos están a boicotear a súa difusión. Tamén presentaron a plataforma que a ONG AMARANTE está a crear para dar a coñecer as iniciativas do téxtil galego responsables coas condicións laborais das traballadoras.
Logo da proxección, Sabela e Adriana contaron ao alumnado asistente o proceso de realización do documental e os problemas con que se atoparon tanto para contar con testemuñas que falasen da súa experiencia no sector como na actual fase de proxección, xa que algúns concellos están a boicotear a súa difusión. Tamén presentaron a plataforma que a ONG AMARANTE está a crear para dar a coñecer as iniciativas do téxtil galego responsables coas condicións laborais das traballadoras.
sábado, 12 de marzo de 2016
martes, 8 de marzo de 2016
Subscribirse a:
Publicacións (Atom)