Paraíso Para Nós

xoves, 19 de marzo de 2015

Textos das Cartas de Amor Gañadoras

Por fin podedes ler os textos correspondentes ás cartas de amor premiadas no concurso celebrado co gallo de San Valentín.

E aquí tedes as fotos das rapazas gañadoras na entrega dos vales-agasallo para ir ao cine!

Charla sobre Linguas Minoritarias e Minorizadas

O pasado xoves 12 de marzo, o alumnado de 2º de Bacharelato asistíu a unha conferencia divulgativa sobre a situación das "Linguas Minoritarias e Minorizadas" no Estado español e en Europa.

A charla foi impartida por Robert Neal Baxter, licenciado en Lingüística e Francés pola universidade de York (Reino Unido) e profesor de interpretación simultánea e consecutiva galego-inglés na facultade de Tradución e Interpretación da universidade de Vigo.

Neal fala inglés, francés, galego, catalán, galés, bretón, grego, alemán, chinés e noruegués, así como tamén algo de finés, turco e árabe. É polo tanto un gran coñecedor das linguas.

No seu discurso interactuou coa audiencia para coñecer que se entende cando se está a falar de linguas minoritarias e minorizadas, partindo do caso máis próximo ao alumnado: a situación do galego.

Insistíu no importante que é que as linguas con teoricamente "poucos falantes" conten cun estatus xurídico que as defenda para que poidan ser empregadas en condicións de igualdade respecto da lingua dominante.

Ao rematar a charla houbo unha quenda de preguntas nas que varios alumnos lle preguntaron pola súa experiencia persoal na Galiza, a lingua que máis lle custara aprender ou a organización da carreira de tradución e interpretación.

martes, 10 de marzo de 2015

Lectura recomendada... Gárgola

Gárgola from normalizacioniesn1ordes

Bases IV Concurso Poesía Carme Villaverde

Cartel iv premio poesía from normalizacioniesn1ordes

xoves, 19 de febreiro de 2015

Fotos festival Antroido

Presentación das fotos do festival de Antroido

Reparto das cartas participantes na campaña AMO A TÚA LINGUA

As cupidos do EDLG encargáronse de repartir nos diferentes cursos e aulas as cartas de amor que participaron na campaña "Amo a Túa Lingua" co gallo da celebración do San Valentín...

Grazas a tod@s pola masiva participación!!!

Gañadores Concurso Sobremesas Antroido 2015

O pasado venres 13 de febreiro tivo lugar o tradicional concurso de sobremesas de antroido convocado anualmente polo Equipo de Dinamización da Lingua Galega do noso centro.

Houbo oito participantes e o xurado estivo integrado polas profesoras Susana Barcia (Filosofía) e Noelia Martínez (Orientación), os alumnos do ciclo de Automoción César Calviño e Emilio López Souto e Consuelo, administrativa da secretaría do centro.