INTERCAMBIO LINGÜÍSTICO FASE I

Finalmente, logo de intercambiarmos cartas co alumnado de 3º da ESO o IES Miguel Ángel González Estévez de Carril, e crear un grupo de whatsapp... o próximo luns 28 de abril as rapazas e rapaces de 3º da ESO do noso instituto faremos de cicerones na visita que os nosos convidados van facer ao noso concello.
Aquí tedes toda a información sobre esta actividade.

Intercambio lingüístico from normalizacioniesn1orde

Agardemos que non chova porque imos compartir  varias horas percorrendo a ruta do río Mercurín.

ññ

O libro de Daniel Villasenín Martínez (2ºESO B)

O meu libro erros e tánatos from normalizacioniesn1ordes

CONCURSO PARA A PORTADA DA REVISTA DO CENTRO

Este ano, o Equipo de Dinamización da Lingua Galega e colaboración con Vicedirección convoca un concurso para seleccionar a imaxe da portada da revista ParaÍsoParaNós. Aquí tedes as bases...

 

Concurso portadas from normalizacioniesn1ordes

ANIMÁDEVOS A PARTICIPAR!!!

O libro de Paula Sánchez Basante (1ºESO A)

O meu libro é matilda from normalizacioniesn1ordes

Coñecemos o Castro do Paraíso

O pasado xoves 10 de abril fixemos unha saída na contorna do noso instituto para coñecermos o chamado castro do Paraíso.

Tratábase de coñecer o noso patrimonio histórico máis inmediato, mais tamén de convivir durante unhas horas coas rapazas e rapaces do instituto Maruxa Mallo, o outro centro de educación secundaria do noso concello. De feito, a actividade estivo organizada conxuntamente por Alfredo Iglesias, profesor de Histoira no Maruxa Mallo, e Raquel Iglesias, profesora de Historia no IES Nº1. Ademais dáse a casualidade de que os dous son os coordinadores do Equipo de Dinamización da Lingua Galega nos seus respectivos centros.

Á actividade asistiron un total de 60 alumnos de 3º da ESO (alumnado do Maruxa Mallo) e de 4º da ESO (rapaces do noso instituto).

A pesar da constante choiva, pasámolo en grande e mesmo "asaltamos" o castro, como podedes comprobar no seguinte vídeo.

Aquí tedes máis fotos da actividade...

Saída ao teatro do alumnado de 1º de Bacharelato

O pasado xoves 3 de abril dous autobuses ateigados de rapaces e rapazas de 1º de bacharelato do noso instituto foron a Santiago para levalos ao teatro. A obra á que asistiron como público xunto con outro centro educativo foi Longa viaxe cara á noite, de Eugene O´Neill, interpretada polos actores do Centro Dramático Galego.

Esta actividade foi proposta e organizada polo Equipo de Dinamización da Lingua Galega, que subvencionou o 25% do custo da entrada para facela máis económica ao alumnado. 

Ademais do profesor de Lingua Galega Vítor Suárez, acompañaron aos rapaces a profesora Cruz Bande  (Bioloxía), Antón Bravo (Educación Fisica), Virginia Domínguez (Matemáticas) e Loli del Río (Ciencias Sociais).

Sabemos, polos comentarios que nos fixeron chegar, que a pesar da súa duración (105 minutos), o tempo pasoulles rápido e a experiencia gustoulles. Agardamos ter pronto algunha crítica por escrito para pode publicar neste blog e na revista Asubios.