O luns 13 de xaneiro, visitounos a autora do libro O segredo do lagarto arnal, Andrea Maceiras.
Cando chegou fomos á biblioteca e uns compañeiros nosos presentárona mentres nós estabamos sentados e atendendo á presentación.
Despois, Andrea Maceiras e nós estivemos observando algunhas imaxes que ela tiña preparadas, falamos un pouco sobre o seu libro e sobre os lagartos arnais, tamén sobre personaxes da súa obra e sobre o acoso escolar. Andrea Maceiras díxonos de que trataba o libro, aínda que nós xa o sabiamos porque a profesora de Lingua Galega do instituto nos mandara ler o libro como lectura obrigatoria en 1º de ESO.
Estivemos falando e comentando aspectos do libro con Andra. Cando rematamos de falar e ver as imaxes nas que aparecían algunhas das otras obras que ela escribira, díxonos se queriamos facerlle algunha pregunta. Ao principio non lle preguntamos nada, pero despois algúns nenos fixéronlle unhas poucas. Cando ela rematou de respondelas, sentou na mesa do profesor da biblioteca e todos ou case todos nós puxémonos en fila para que Andrea nos asinase os nosos libros que case todos levamos alí con esa finalidade.
Alejandro Martínez Barbeito
1ºESO B
Ningún comentario:
Publicar un comentario